Rojnamegerî Necla Demîr, Rahîme Karvar, Ahmet Guneş, Velat Ekîn, Vedat Orun û Reyhan Hacioglu bi sûcdarîya 'endamîya rêxistine' 20ê çeleyî de tepişîyabî. Goreyê doneyanê Komeleya Xebatanê Huqûqî û Medya (MLSA) bi tepişîyayîşê 6 rojnamegeranê bînan hûmara rojnamegeranê tepişteyan bîye 35. Sebebê tepişîyayîşî zî rojnamegerîye ya.

Hemdîrektorê MLSA Veysel Okî derheqê babete de ajansê ma rê qisey kerd û ard ziwan ke seba ke rojnamegerî bitepişîyê sebebê viraşteyî yenê pêşkêşkerdene. Okî vat: ''Rojnamegerê tepişteyî zafêr kurd ê. Bingeyê sûcdarîyan zî huqûqî nîyê. Rojnamegerî polîtîkaya rojnameyan û ajansan ra mesuldar nîyê. Kesê ke weşanan ra mesuldar ê mudir ê. Coka nê tepişîyayîşî pêro sîyasî yê. 

Rojnamegeran rê persê sey 'To pere girewto?, Te xebere şawita? Ti nînan şinasnenî?' ameyê perskerdene. Wexto ke babete bena medyaya kurdan a Ewropa endamîya rêxistine yena zeliqnayene. Goreyê huqûqî nê rojnamegerî nêtepişîyê. La mehkemeyî kenê ke çimî bitersnê. Bi tepişîyayîşê 6 rojnamegeranê bînan hûmara rojnamegeranê tepişteyan bîye 35. Hûmara rojnamegeranê tepişteyan resaye wextê OHALî.''