Şubeyê Îstanbulî yê Komeleya Heqanê Merdiman (ÎHD) raporê binpaykerdişanê heqan ê zîndanan ê teşrîna vrêne, teşrîna peyêne û kanûne eşkera kerd. 

Rapor hetê Hemsereka ÎHDyî ya Îstanbulî Gulserene Yolerî û Endama Komîsyonê Zîndanan ê Şubeyê Îstanbulî Nergîse Şahîn ra ame wendene. Gulserene pare kerd ke zîndananê Marmara de 1572, Zîndanê Îmraliyî de 144 binpaykerdişê heqan ameyê tesbîtkerdene.

Rapor de dîya zanayene ke nê hîrê mengan de Abdulkadîr Kuday, Îbrahîm Hakki Savaşerî zî tede 8 tepişteyan zîndanan de dinyaya xo bedilnaye. Rapor de ame parekerdene ke îhtîyacê tepişteyan nênê peydakerdene, tecrîd yeno caardene û tepişteyî raştê ferzkerdişan yenê.

Rapor de ame waştene ke seba ke heqê hêvîye bêro caardene û tepişteyê nêweşî vera bidîyê ganî gamê hewceyî hetê îqtîdarî ra bierzîyê.