Merkezê Îrtîbatî û Çapemenîye yê QSDyî derheqê pêkewtişanê Minbicî yê vizêrînan de eşkerayîyêke daye.

QSDyî pare kerd ke pêkewtişanê Minbicî de 8 çeteyê Artêşa Milî ya Sûrîye kişîyayê û 16 çeteyî zî birîndar bîyê.

Eşkerayîye wina ya:

''Girê Sriyatelî de hêzanê ma cewab da hêrişanê dewleta tirke û çeteyanê ci. Tîya de 6 çeteyî kişîyayî, 9 çeteyî birîndar bîyî û wesayîtêk zî ame îmhakerdene.

Başûrê Minbicî de dewa Tilerşî de 4 çeteyî tepişîyayî, mewzîyêka çeteyan ameye îmhakerdene.

Sînorê Dêr Hafirî de Yewinanê Şehîd Harûnî cewab da hêrişan. Tîya de 2 çeteyî kişîyayî, 2 çeteyî birîndar bîyî.

2 çeteyan bi motosîklere kerd ke debikewê mewzîyanê ma. Dewa Îmamî de hêzanê ma vera çeteyan operasyon kerd. Netîceya operasyonî zelal nêbîye.

Hêzanê YPJyî dewa Til Temirî de dewanê Etiq El Hewa û Hemduşî de baregehê dewleta tirke kerdî hedef. Hûmara kişte û birîndaran zelal nêbîye.''