Hûmara 173’ine ya Newaya Jinî de pêvînayîşê avûkata Rayberê Şarê Kurdî Abdullah Ocalanî Newroz Ûysale esto.

 Rojname xusûsen babetanê sey “mucadeleyê hemverê koletîya tarîxîye ya cinî” û “lazimîya bi organîzasyonê cewherîyî yê seba averberdişê xopawitişî yê her wareyî yê cinî” ser o vindeno û vejêno verê wendekaran.

 Rojname de merdimî eşkenê tarîxê xoverdayîşî yê cinîya Kurde, Îran de hale cinîyan, bi perspektîfêkê neweyî jîneolojî, îstîsmarê serê domanan, rojdemê yewîya neteweyî û Başûrê Kurdistanî û xeylî babetanê bînan bivîno.

 Newroz Ûysala ke persê rojnameyî cewab kerdî vat mucadeleyê azadîya cinî, qaso ke yeno texmînkerdene ra hîna zaf bitesîr o.

 Perîhan Bacarû seba rojnameyî derheqê îstîsmarkerdişê domanan ê Tirkîya, derheqê çetinî û vînîbîyayîşê domanan de nuşto.

 Mîzgîn Amede zî bi nuşteyê xo rojname de vana, “îdeolojîya xelasîya cinîye ewro seba heme cinîyan bîya bingeyê umîdî û bîya perspektîfo sereke.”

 Hemsereka PJAK’î Zîlan Vejîne zî babetê rojdemî, vengê cinîyo ke Îran de beno xurt û mucadeleyê cinîyan rîpelê Kurdkî yê rojnameyî rê ercnayî.

 Songul Talaye serrgêra Fermanê Şengalî de, şexsê Êzidîyan de polîtîkayê qirkerdişê cinîyan ercnayî.

 Rojname de heman wextî de nuşteyê Jînda Denîze esto. Denîze bale anta serê kulturê xoverdayîşî yê cinîyan ê Kurdan, derheqê destanê qehremanîye yê Zarîfe û Elîşêrî yê kulturê qehremanî û xoverdayîşî de nuşto.