Goreyê raporê ajansê xeberan ê cinîyan JINNEWS menga çeleyî de tewr tay 32 cinîyî ameyî qetilkerdene, 31 cinîyan zî bi hawayêkê şikdarî dinyaya xo bedilnaye.

Rapor de ame vatene ke 4 domanî zî ameyî qetilkerdene, 11 domanî bi hawayêkê şikdarî merdî, 11 domanan rê tacîz û tecawuz ame kerdene.

Cinîyî tewr zaf Anqara û Îstanbul de kişîyayî.

Goreyê Bianetî 2021 de 324, 2020 de 284 cinîyî û 2019 de zî 328 cinîyî ameybî qetilkerdene.