Wekîla Partîya Karkeran a Îngîlîstanî Kate Osamor  ''Vengdayîşê Haştîye û Komelê Demokratîkî'' yê Rayber Apoyî û qerarê kongreya PKKyî ya ke mabênê 5-7ê gulane de ameye kerdene, erjnayî.

Kate Osamor seba ke PKKyî  badê vengdayîşê Rayber Apoyî yê 27ê sibate kongreya xo kerd û qerarê çekeronayîşî girewt, keyfweşîya xo ard ziwan û wina vat: ''Badê pêkewtişanê bi des serran  û vîndîbîyayîşê bi des hezaran ganan no averşîyayîşêko tarîxî yo. Firseto bêhempa yo ke eşkeno semedê şaranê Tirkîya û herême berê haştîya mendîye abikero.''

Kate Osamor ard ziwan ke semedê haştîya mendîye gamê yewhetî qîm nêkenê û nê vatî: ''Gerek dewleta tirke zî çîyo ke kewno milê ci bikero û heqanê bingeyînan ê şarê kurdî bîgîro binê asayîşî û gamanê pêtan bierzo. Semedê haştîya mendîye gerek dewleta tirke zextanê sîyasîyan caverdo û gamanê pêtan ê bierzo. Zextê sîyasîyî bitayberî zextê vera DEM Partî ez raşt nêvînena. Gerek heme babetî sey parçeyêkê prosesê haştîye û muzakereyî bêrê destgirewtene.

Gerek hukmatê ma zî paştî bido muzakereyanê haştîye yê Tirkîya. Ez do na çarçewe de Wezîrê Karanê Teberî David Lammyî de pêvînayîş bikerî derheqê na babete de qisey bikerî. Ez do averşîyayîşanê Tirkîya nizdî ra teqîp bikerî û sey vengê haştîye paştî bidê kurdan. Prosesê haştîye têna semedê Tirkîya nê, semedê îstîkrarê herême û huqûqê mîyanteweyîyî zî muhîm o. Coka gerek paştî bidîyo ci.''