Ronayoxanê  Rêxistina Mayanê Plazo De Mayo ra Nora Cortiñas a ke dosta kurdan bî dinyaya xo bedilnaye. Koordînasyonê KJKyî semedê vefatê Nora Cortiñas mesajê serweşîye weşana û nê vatî:

'' Ma bi dejî eşnawitê ke ronayoxa  Rêxistina Mayanê Plazo De Mayo,serkêşa têkoşînê cinîyan, dosta pîle ya kurdan û dayîka ma Nora Cortiñas dinyaya xo bedilnaye.

Arjantin de mabênê serranê 1976-1983yî de seba ke hêvî û sibayî bêrê mirnayene  30 hezar şorişgêr û muxalîfî ameyî qetilkerdene. Sere de dayîke Nora bi hezaran dayîkan vera nê sere dart we û bêmabên 40 serrî têkoşîn kerd. Dayîkanê Plaza De Mayo tarîxê cinîyan de sey şervananê heîqîqetî cayê xo girewt.

Zerrîya şarê kurdî cayêko erjîyaye yê dayîke Nora est o. Semedê azadîya Rayber Apoyî seba ke vera zulmê serê şarê kurdî tewirê xo ramojno di rey Kurdîstan zîyaret kerd û tewr peynî tewrê kampanyaya 'Abdullah Ocalanî rê azadîye, meseleya kurdan rê çareserîya sîyasîye' bîye.

Vatişê ci yo peyên ê semedê ma cinîyan ê Kurdîstanî yê 'Ma virar şinê cinîyan ê jîhatan ê Kurdîstanî ra. Faşîzmî rê bes o!' ma do sey mîras û heqîqetê têkoşînê cinîyan ê globalî aqil û zerrîya xo de heta peynî bikirişê. Vîrardişê Dayîke Nora û zanayîşê ci yê 'dejê pîlî sebebê şeranê pîlan ê' do têkoşînê ma de bêrê ciwîyayene.

Na çarçewe de sere de dayîkanê Plaza De Mayo, keyeyê ci û şarê Arjantinî rê ma sereweşîye wazenê. Dayîke Nora dayîka bi hezaran şorişgêranê kurdistanijan a ke koyan û zîndanan de yê. A do zerrîya ma de biciwîya.''