Koordînasyonê KJK’yî derheqê hêrişê K24 TV’yî yê vera Hemsereka Konseya Rayberdişî ya KCK’yî Besê Hozate eşkerayîyêk daye û nê pare kerdî:

‘’Dewleta Tirkî bi hemê îmkananê xo hêrişê Kurdan kena û wazena ke destkewteyanê ma yê ke bi bedelanê girdan ameyî destfînayene, ma dest ra bîgêro. PDK yo ke bi hemkarîya xo paşt dano hêrişanê dewleta Tirkî vera Kurdan bi çapemenîye zî hêriş keno. Tewr peynî de  televîyonê K24’î  de hêrişo leyşin o ke vera Hemsereka Konseya Rayberdişî ya KCK’yî Besê Hozate ame kerdene zî na çarçewe de yo. Kesê ke sîyaset ra çîyêk nêzanê, mucadele ra remayî  vejîyenê televîzyonê K24’î û qisey kenê. No hem sevîyeya înan hem zî ê televîzyonî fîneno çiman ver. Hêrişê ke şexsê hemraya ma Besê Hozate benê vera pêroyê şerwananê ke semedê azadîya cinîyan mucadele kenê  û heme cinîyan ê azadîwaştoxan bênê. Ma sey KJK’yî  ê ke nê programê leyşinî  ê K24 TV’yî virazenê û ê ke tewrê ci bîyî şermezar kenê. Vera nê tewirê bêehleqî  yo ke vera cinîyanê ke semedê welat û cimatê xo mucadele kenê yeno viraştene, şarê xo û rayapêroyîya demokratîke rê vengdayîşê hîsdarîye kenê. Televîzyonê  K24’î  vera  şarê ma û cinîyan polîtîkaya dişmenî ya şerê taybetî  rayra beno. Ganî şarê û cinîyî televîzyonê K24’î yo ke programanê leyşinan virazeno temaşe mekerê. Ganî televîzyonê K24’î bêro boybokkerdene. Ma do vera nê hêrişî leyşini  mucadeleyê xo hîna xurt bikerê û vera  zîhnîyetê faşîst-camêrdî ser bikewê.''