Bi wesîleya şehadetê Dîyar Xerîbî Komeleyê Cinîyan ê Kurdistanî (KJK) eşkerayîyêk daye û vat ke ê do qesasê ci bigêrê û veng da şarê Kurdistanî ke hemverê xîyanetî de vejîyê meydanan.

Eşkerayîya KJK’yî de nê ameyî vatene:

“Tarîxê merdimîye de her tim şexsîyetê qehremanî vejênê û cimatê xo rê serkêşîye kenê. Xusûsen zî gama ke o cimat bindest bo û her tim serê ci de qirkerdiş estbo, na rastî xo hîna eşkera cimatê Kurdan de ramojnena. Hewn û xeyalê heme domananê Kurdan zî o yo ke sey domananê dinya biciwîyê. La ewro zî doman ê Kurdî çimanê xo mîyanê şerî de akenê. Embaz Dîyar Xerîb zî domanêko Kurd bi ke çimê xo mîyanê şerî de akerdî. Hewn û xeyalê embaz Dîyar Xerîbî no bi ke bibo şorişgêrêkê awankerdişê welatê azadî. Eke ewro no şorişgêr weş bîyêne do Başûrê Kurdistanî dereceya îşxalkarîye de nêbîyêne. Rayîrê înan awankerdişê yewîya neteweyîye bi.

Embaz Dîyar Xerîbî zî bincew bi bincewe erdê welatê xo nas kerdêne û bi eşqêkê pîlî dersê tarîxê Kurdistanî dayêne. Embaz Dîyar Xerîb bi nê heqîqetî rayraşîyayîşê xo yê azadîye yê zereyê Têgêrayîşê Azadîye domna û hemverê îşxalbîyayîşê Başûrê Kurdistanî de bi. Na yewe ra zî embaz Dîyar bi hedefê xayîn û hemkaranê îşxalkaran. Sey Aram û Mam Rîşanî înan embaz Dîyar Xerîb zî bi komployêka bêbexte şehîd fîna. Embaz Dîyar 25 serrî seba yewîya neteweyîye xebetîya. Bi şehadetê embaz Dîyar Xerîbî sozê ma no yo ke ma do îşxalî erdê Kurdistanî ra vejê. Ganî xayînî zî fek ajanîye û xayînîye ra vera bidê. Ganî bêro zanayene ke do gonîya embazanê ma erd de memano û domanê ke çar perçeyanê Kurdistanî de yê hendî do bi nameyê Helmetî (Dîyar Xerîb) bêrê weyîkerdene. Nê domanî do hemverê rotişê Kurdistanî de tewrê xo bewlî bikerê û ê

do bi awankerdişê yewîya neteweyîye heyfê embaz Helmetî (Dîyar Xerîb) bigêrê.

Ma zî sey KJK soz danê ke ma do qesasê embazê ma Dîyar Xerîbî, embaz Şahînî û yê embaz Dewranî erd ro meverdê. Nê bingeyî de ma veng danê hemeyê şarê Kurdî û xusûsen zî veng danê şarê Başûrî Kurdistanî ke seba qesasî hurzê payan ser.”