Koordînasyonê KJK’yî derheqê hemleya xoverdayîşî ya bi slogana ‘Ma do tecrîdî bişiknê, faşîzmî birijnê û Rayber Apoyî dir azad biciwîyê’ ya ke bi serkêşîya cinîyan rayra şina de eşkerayîyêk daye.

Heta ke Rayber Apo Azad Mebo Tecrîd Nêqedîyeno

Eşkerayîye ra tayî cayî wina yê: ‘’Hemleya xoverdayîşî ya bi slogana ‘Ma do tecrîdî bişiknê, faşîzmî birijnê û Rayber Apoyî dir azad biciwîyê’ ya ke komxebatê ma ya 8’ine de ameye destpêkerdene û kewte merhaleyêka neweye rayberîya cinîyan de  wareyanê cimatkî de rehendêko newe fînayo dest. Bi xoverdayîşî qefesê tecrîdî ame şiknayene la ewro tecrîd dewam keno. Heta ke Rayber Apo azad mebo tecrîd temamî de nêqedîyeno.

No Çax, Çaxê Cinîyan o

No çax, çaxê afernayîşê paradîgmaya cinîyan û sîstembîyayîşê înan o. Kaos û krizo ke ma tede yê birêyê afernayişê çaxêkê neweyî yê. Ma sey KJK’yî vanê ke no çaxo newe de do bibo çaxê azadîye cinîyan. Hemleya ‘Seba vurayîşî û azadîye ti zî wirze payan ser’ ya hetê cinîyan ra ameya destpêkerdene, îfadeyê organîzebîyayîş û ravêrtişê çalakîye yê cinîyan o. Ma na helmeye silam kenê. Hemle heman wextî de hemleya awankerdişêkê cimatkîyî ya. Awankerdişo cimatkî bi organîzkerdişê wareyê polîtîkî  dest pêkeno. Organîzkerdişê wareyê polîtîkî yeno manaya her cade Xobîyayîş. Cimato ke xo wîna organîze bikero vera hêrişanê dişmenî de bin nêkeweno û bi xopawitişê xoserî  azadîye aferneno.

Ganî Heme Cinîyî Tewrê Hemleye Bibê

Rayber Apo pêvînayîşna xo yê peyênan de vano: ‘Zewajê kênayanê qican sebebê dest şorişan o.’ Bi nê hemleyan zanayîşo cimatkî aver şîyo û tabûyê vera namûsî ameyî şiktene. Vera qetlîamanê cinîyan hîsdarîye, herind de reaksîyon û red vejîyayî werte. Na çaçewe de cepheyê cinîyan ê demokratîkan de  bi tewirê muntiş, averberdişî hewcedarîya organîzebîyayîşê hemparî esta. Hemeya Seba vurayîşî û azadîye ti zî wirze payan ser tewr sere de hemleya zîhnîyet û aqilê azadî ya. Na hemleye hemleya vervejîyayîşê heme problemanê cinîyan û sîstemî ya. Na çarçewe de ma veng danê heme cinîyan ke wa na hemle de cayê xo bîgêrê û vera qirkerdişo ke Kurdistan de yeno rayraberdene bêveng memanê. Bi na wesîleye ma veng danê heme cinîyan ê dinya ke wa wayîr şorişê Rojawanî bivejîyê û ma vanê ke semedê azadîya cemat û cinîyan ti zî wirze payan ser.’’