Koordînasyona KJK’yî derheqê hêrişanê dewleta Tirkî de eşkerayîye daye û reaksîyon da têkilîya mabênê hukmatê Hewlêrî û PDK’yî.

Eşkerayîya KJK’yî de nê çîyî ameyî vatene:

“Artêşa Tirkî ya îşxalkare xeylî reyan bi operasyonanê faşîzan û terorîstî hêrişê Başûrê Kurdistanî kerd. Nê hêrişan de keyeyê şarê ameyî bombardûmankerdene û xeylî merdimê ma ameyî qetilkerdene. Yeno dîyayene ke nê hêrişî teyna vera PKK’yî nîyê, vera heme şaranê Kurdistanî yenê kerdene. Hukmatê Başûrê Kurdistanî û PDK zî hetkarîye danê nê operasyonê îşxalkarî. Eynî wext de yeno cehdkerdene ke bingeyê hêrişê vera Îranî zî bêro awankerdene. Xeylê merheleyanê tekoşînê ma de şarê ma yê Başûrê Kurdistanî gerîlayan û PKK’yî ra wayîr vejîya. Şarê ma yê Bradostî bi serran o rûmetanê xo ra wayîr vejîyayo. PKK û gerîlayî zî her dem şarê Kurdî reyde bîyî. Kerkûk, Şengal û Rojawanî de bi hezaran reyan nê mojnayo.PKK Başûrê Kurdistanî zî mîyan de, hêvîya hemeyê Kurdistanî yo. Şarê ma naye baş bizano. Hemberê na îşxalkarîye de gerîlayan derbê giranî dayî artêşa Tirkî ya îşxalkare ro û tewirê Şehîd Bêrîtane temsîl kenê. Ma hêzanê gerîlayan ê Xakurkê silam kenê. Heme roşinvîrî, rêxistinê cinîyan û ciwanê Başûrê Kurdistanî, seba ke Erdogan hêrişê heme destkewteyanê şarê Kurdan keno ganî îşxalkarîya Tirkîya rê vajê  ‘Êdî bes o’.Kurdistan de çîyêko dîyarker de tewirê şarê Kurdî û yê hêzanê demokrasî do bibo. Xoverdayîş bi ruhê azadîye û xorêxistinkerdiş do faşîzmî birijno.”