Koordînasyonê KJKyî bi mesajêkî pêro cinîyê ke seba ke Roja Cinîyan a 2024î bitesîr biba kede daya fîraz kerdî.

Mesajê KJKyî wina yo:

''Ê cinîyanê ke Kurdîstan de û dinya de bi qisey, govend, tîlîlî û vengê xo meydanî serî ra heta binî kerdê de û vera kerdişê barbarî yê sîstemê serdestî xo ver da û tira hesab persayo ma nînan selam kenê. Ma pêro cinîyanê ke seba ke 8ê Adare Roja Cinîyan a emserêne bi tesîrî bivîyara kede daya fîraz kenê.

Cinîyê ke binê ablûqaya cînsîyetperestîye de tim raştê krîz, zulm û qirkerdişî yenê înan emser ancî 8ê Adare de vat ke 'ma est ê' û raştîya têkoşînêkê radîkalî awan kerde. Cinîyan anxî vera kolonyalîzm, qirkerdiş, tacîz û tecawuzan îsyan kerd û vera sîstemê cînsîyetperestî, îqtîdaran û serdestîya camêrdan vervejîyayîşê xo bi vengêkê berzî îfade kerdî. Nê hetî ra 8ê Adara 2024î bîyo îfadeya îradebîyayîş, rêxistinbîyayîş, hişmendbîyayîş û hişyarbîayîşê cinîyan. 

Destkewteyê têkoşînê cinîyan bi Şorişê Cinîyan ê Rojawanî resayî astêka bîne. Ma bi qerardarîya ke nê şorişî pêro cinîyanê dinya rê vila bikerê dest pê 8ê Adare kerd. Şerê faşîzmê dewlete-camêrdî tewr zaf cinîyan, domanan û xoza hedef kenê. Coka ganî ma teyna yew roje ney her roje seba cuyêka ekolojîke, demokratîke û azade mîyanê rêxistinîye û têkoşînî de bibê. Nê prosesê krîtîkî de tek rayîrê vergirewtişê barbarîya moderne o yo ke cinîyî bingeyê felsefeya Jin, Jiyan, Azadî de xo rêxistin bikerê. Ganî ma vera şeran, kolonyalîzm, cînsîyerperestîye têkoşînê xo pîlêr bikerê. Ewro têkoşînê cinîyan resayo a  aste ke hinî tira agêrayîş çin o. Coka ganî ma xo hîna zaf rêxistin bikerê, xeta têkoşînî ya hempare awan bikerê û nê sîstemê ceberutî serûbin bikerê.

Wext wextê hemparkerdiş, globalkerdiş û pîlkerdişê têkoşînî yo. Wext wextê ey o ke ma bingeyê felsefeya Jin, Jiyan, Azadî de şorişê cinîyan awan bikerê. Ma sey KJKyî ancî pêro cinîyan selam kenê ke înan bi rindî û coşê xo 8ê Adare kerd manadar.

Ma ancî soz danê ke seba serkewtişê têkoşînê ma yê heq, edalet, demokrasî, têdûştî û azadîye her roje bikerê 8ê Adare.''