Bi waştişê dayîkanê Kobanêyijan Kongreya Starî  Komunê Şehîd Basîlî yê Kobanê de qursê perwerdeyî akerd.

20 dayîkê ke serre înan mabênê 30-70 de yê  qûrs de perwerdeyê nûşiş û wendişî vînenê. Hedefê  Kongreya Starî oyo ke semedê dayîkan heme komunan de qursan abikero. Mamosta Emîne Mihemede  bale ante ke heme dayîkî bi heyecanêko pîl tewrê  dersan benê û ard ziwan ke verê Şorişê Rojawanî îmkanê mûsayîşê ziwanê înan çinêbi la nika dayîkî eşkenê  ziwanê xo bimûsî. Dayîke Xanim Hesene (74) ziwan sey  nasnameyê merdimi name kerd, vist vîrî ke kurdan semedê ziwanê xo zaf bedelî dayî û vat ke ê heme dayîkî nika komunê xo de ziwanê xo mûsenî.  Dayîkan ra Medîne Elî (40) ard vîrî ke verê Şorişê  Rojawanî  kam ke semedê ziwanê  Kurdî bixebitîyayêne ameyêne cezakerdene û va: ’’Ma kewtî erey  la  ma nika ziwanê xo de nûştiş û wendiş mûsenê. Ma domananê xo rê qiseykerdişê Kurdkî mûsna nika wextê mûsayîşê wendiş û nûştişî yê ma yo.''