Jineolojî ya ke babeta cinîye û komele de bîya sedema karanê zaf girîngan, Vakur-Rojkewtena Sûrîye de her wext rojdeme de ya. Jineolojî ya ke babetanê exlaq, estetîk, weşîye, perwerde, polîtîka, ekonomî û ekolojîye de karê zaf girîngî kerde, bala dinya ancena xo ser. Jineolojî  Zanîngehê Rojawan de nika beşêka wendişan ra ya.

Komîteya Jineolojîye ya ke karê xo rê zafê cayan de dewam kena, siba Kobanê de do komxebatêke viraze. Endama Komîteya Jineolojî ya Herêma Firatî Raperîn Eldemîre ANF'yî rê derheqê komxebate de qisey kerd û pare kerd ke, înan Herêma Firatî de heta nika zafê babetê cigêrayîşî kerd û peynîya nê cigêrayîşan de zî siba do komxebeta xo virazê. Raperîn Eldemîre ard ziwan ke  komxebata înan do asta Herêma Firatî de bibo û vat çar rojdemê înan estê, ‘‘Komxebate de do pêşkêşê derheqê babetanê cinsîyetperestî ya komele, serranê qijan de zewijîyayîş, şîdetê verba cinîyan û pêşnîyazê çareserî yê jineolojîye do bêrê pêşkêşkerdene."