Komxebata cinîyan a ke seba hêrişanê DAÎŞ’î û grûbanê çeteyan ê serê Tebqa, zextanê rejîmê Sûrîye û tesîranê şertê şerî yê serê cinîyan munaqeşe bikerê amî viraştene, roja dîyine de bi qeraranê ke gîrîyayî qedîyaye.

Tayê qerarê ke komxebate de gîrîyayî nê yê:

“*Ma veng danê cimatê mîyanneteweyîyî ke hemverê hêrişanê Tirkîya yê vera Sûrîye, Iraq û Başûrê Kurdistanî de vinderê, mesuldarîya merdimîye rê wayîr vejîyê û seba ke Tirkîya cayanê ke îşxal kerdê ra vejîyo hemverê aye de tê bigêrê.

*Seba muhakemekerdişê çeteyanê DAÎŞ’î wa Vakur û Rojakewtena Sûrîye de mehkemeyêka mîyanneteweyîye bêro awankerdene.

*Cinîyê Vakur û Rojakewtena Sûrîyeyijî, ganî xebatanê qanûnê neweyî yê Sûrîye de bi hawayêkê aktîfî ca bigêrê.

*Ganî cinîyê Vakur û Rojakewtena Sûrîyeyijan rê û cinîyan ê Şengalijan rê ke hetê madî û manewîyî ra şertanê şerî ra mutesîr bîyê her tewir destek bêro dayene.

*Seba bihêzkerdişê xoserbîyayîşê ekonomî ya cinîyan ganî projeyê ekonomî yê ke xusûsen seba cinîyan ê bêrê viraştene.

*Seba heme heqê cinîyan ê ke wareyanê azadkerdeyan de ciwîyayêne bigîrîyê binê temînatî ganî ê cinîyan rê qanûnê xusûsîyî bêrê vetene.

*Ganî paştî bidîyo cinîyan ê Efrînijan.

 *Ganî hemverê emrê domanîye de zewacî hemleyê zanakerdişî bêrê destpêkerdene.”