Torra 'Cinîyî Ameyoxî Vurnenê' 5-6ê teşrîna peyêne de bi sloganê 'Şorişê Ma: Azadkerdişê Cuye' Berlinê Almanya de Konferansê Cinîyan ê Mîyanneteweyî yê 2. do bikera. Konferans Zanîngehê Teknîkî yê Berlinî de  do bêro kerdene.

Wina pawîyeno ke 600 delegeyî do tewrê konferansî bibê.

Konferans do panc roniştişan ra bêro pê:

Şerê Dinya yo Hîreyên û parçekerdişê zirxê destsernayîşî yê serdestîya camêrd û dewlete 

Atolye

Awanbîyayîş-Cuya ke wazîyena pê mucîze nê la pê şorişî bena

Vîzyonê ma -Azadkerdişê cuye

Peydakerdişê rayîrê xo

Kesê ke wazenê eşkenê nê lînkî ra bernameyê konferansî peyda bikerê: https://womenweavingfuture.org/programm-2022

Konferans de nê kesî do qisey bikerê:

- Jovita Montes, Îtîfaqê Cinîyan o Mîyanneteweyî yê IWA (Fîlîpîn)

- Aktîvîstê têgêrayîşê cinîyan ê Îran û Rojhelatê Kurdîstanî

-KNK ra Nîlufe Koç

- Lolita Chavez, Feministas Abya Yala (Guatemala)

- Aktîvîstê RAWA (Afganistan)

- Kavita Krishnan (Femînîste, Komeleya Cinîyan a Hindistanê-Hindistan)

- Ariele Salleh, sosyolog û eko-femînîste (Awûstralya)

- Elîfe Kaya (Merkezê Jineolojî yê Ewropa)

- Genevieve (aktîvîste), (DYE, Îtalya)

- Anjila Al Maamari, (Yemen)

- Denîz Abûkane, aktîvîsta TJA (Kurdistan, Tirkîya)

- Nimat Kuku, (Sûdan)

- Dilar Dîrîk, sosyologa siyasetî û nuştoxe

- Îreme Gerkûş (Women's Alliance Tirkiye)

- Marta Dillon, (Têgêrayîşê Ne Una Menos, Arjantîn)

- Jade Daniels, Têgêrayîşê Ra Life (DYE)

- Temsîlkara Şingalî (Şingal, Kurdistan)

- Asya Abdullah, Hemsereka PYDyî (Rojava, Kurdistan)

- Vilma Almendra (Pueblos en Camino, Kolombiya)

Konferans de qiseykerdişî do 8 ziwanan (kurdkî, îngilîzkî, almankî, tirkî, erebkî, îspanyolkî û fransizkî) ra do bêrê açarnayene.

Konferans de bernameyê hunerî û muzîkî zî do est bê.

Keskê ke wazenê eşkenê nê lînkî ra qeydê beşdarîye virazê: https://womenweavingfuture.org/registration 

Kesê ke wazenê eşkenê nê lînkî ra konferansî ser o hîna zaf agahîye bigêrê

[email protected]

Nê hesabanê medyaya dîjîtale de vilakerdiş do bêro kerdene:

Womenweavingfuture (@Womenweaving2)

Adresê konferansî wina yo:

Zanîngehê Teknîkî yê Berlinî

Straße des 17. Haziran 135

10623 Berlin