Rojawan de şayîyê 8ê Adare Roja Cinîyan ê Kedkaran a Dinya dewam kenê. Vervatoxa Kongra Starî ya Rojawanî Remzîye Mihemed ANFyî rê qisey kerd.

Remzîye Mihemed pare kerd ke têkoşînê cinîyan beno pîlêr û vat: ''Cinîyî seba heqanê xo û vera şîdetî bêmabên xo ver danê. Ma 8ê Adare sey roşanê cinîyan û serewedaritişê vera îşxalî fîraz kenê. Cinîyê Rojawanî xora tim hê meydanan de yê. Ma vera DAÎŞî şer kerd û ma ser kewtî. Ma nika zî vera hêrişanê dewleta tirke ya îşxalkere vindenê. Têkoşînê azadîye yê cinîyan bêmabên dewam keno.''

Remzîye ard ziwan ke ê do pê Hemleya 'Vera qirkerdişê cinîyan ma do cuya azade bipawê' derbazê  safhayêka newîye bibê û vat: ''Ez venga pêro cinîyan dana ke ma vera şîdet û îşxalî 8ê Adare de pîya vengê xo berz bikerê.  Ma wayîrê destkewteyanê şorişî, şehîdan û têkoşeran vejîyê. Wa 8ê Adare de pêro cinîyî vejîyê meydanan.''