Kongreya Starî ra vengdayîş: Cinîyî Rojawanî pawenê

Kongreya Starî veng da pêroyê cinîyan ê cîhanî ke bingeyê kampanyaya 'Cinîyî Rojawanî pawenê'  de her ca de çalakîyan virazê.

Kongreya Starî verba îşxalkarîya Tirkî yê serê Rojawanî bi eşkerayîyêke veng pêroyê cinîyanê cîhanî kerd û vat: "Ma veng danê pêroyê cinîyanê cîhanî ke bingeyê kampanyaya 'Cinîyî Rojawanî pawenê' de her ca de çalakîyan virazê.

Eşkerayîyê de ca dîya nînan: ‘‘Ma veng danê kesanê ke vanê ma merdim ê ke wa vera  hêrişê îşxal û qirkerdişê ke dewleta Tirkî bi paştgirewtiş û tasdîqê hêzan ê hegemon ê cîhanî dest pêkerd,bêveng memanê. Erjê û vîrameyîşê cinîyan ê Spanî, Filîstîn, Rûsya, Vîetnam, Çîn, Kuba, Cezayîr, Meksîka û welatanê bînanê ke şoriş û xoverdayîşê verba faşîzmî ca girewt bi şervananê YPJ'yî ganî bîyî. Cinîyî seba erjê Efrînî heta peynîye xo ver danê. Ewro zî xoverdayîşo hempar ê cinîye û şaran eşkeno dewleta Tirkî ya faşîste birijno. Ma veng danê pêroyê cinîyan ê cîhanî yê ke bi vengê xo, çalakîya xo û enerjîyê xo bibê yew û  têkoşînê hemparê rayberîye bikerê. NY û NATO, wexto ke dewleta Tirkî erdê şarê Vakur û Rojakewtena Sûrîye îşxal kerd û Kurdî qir kerdî vengê xo nêvet. Seba verba nê tewirî tedaya demokratîke zêde bikerê. Ma veng danê ke çalakîyî zêde bibê. Ma veng danê sîyasetmedar, dezgeh û hukmatan rê ke verba îşxalkerdişî nêrazîbîyayîşê xo bimojnê. Ma veng danê Konseya Asayîşî ya NY'yî ke kombîyayîşê xo de nê hêrişanê gemarinan vindernê. Ma veng danê pêroyê cinîyan ke vengê xo biresnê Konseya Asayîşî ya NY'yî û wurzê ser payan."