Kombîyayîşê Konseya Qerargehî ya YJA-Starî ame kerdene. Kombîyayîş pê qiseykerdişan dest pêkerd, bi talîmê Rayberîye, wendişê xebatan, rojdemê sîyasî-leşkerî, ercnayîşê xebatanê îdeolojîkan, rêxistinîye û pratîkî dewam kerd.

Derheqê kombîyayîşî de eşkerayîye ameye dayene. Eşkerayîye wina ya:

''Ma pê bawer ê ke biranê ke kombîyayîşê ma yê Konseya Qerargehî ya YJA-starî de ameyî girewtene û plansazîyanê ke ameyî kerdene, sere de seba Kurdîstanî, seba şaran û cinîyan, seserra 21. de, seba geşkerdişê gerîlatîya cinîyan û takrîkanê ci, rêçê stratejîya şerê şorişgêrî yê şarî de perpaketîfê xurtî ronayî. Ma bi bawerîya 8ê Adare venga pêro cinîyan danê ke vejîyê meydanan û vajê 'Xoverdayîşê cinîyan do faşîzmî birijnê.'

Serra 2021î ya ke bi şerê giranî qewimîyaye, seba têkoşînê ma yê azadîye, seba cinîyanê pêro dinya û Rojhelatê Mîyanênî bîye serrêka winasên a ke azadîye zêdêr nêzdî bîye, hîsê serfîraîye ameyî hîskerdene, hêvîye geş bîye û şer gir bîyo. Konseptê îmha yê vera Rayberîye û têgêrayîşê ma geş bi, hêrişê îşxalî yê vera Kurdîstanî, sîyaseto qirkerdiş ê vera şarê ma sey berdewamîya Komployê Mîyanneteweyî dewam kerd.

Nê konseptî verê xo da ke PKKyêko bê Rayberîye, kurdanê bê Rayberîye awan bikero, bi marjînalkerdişê PKKyî û vînîkerdişê rêçê îdeolojîk-felsefîkî xîret kerd ke sîstemî rê entegre bikero. Hetê bînî ra armanc kerd ke gerîlayan îmha bikero, Kurdîstanî bi temamî îşxal bikero û heqê cuye yê kurdan nêşinasno. Nê esasî ser o ameyo tesbîrkerdene ke Şerê Dinya yo 3. Îmrali de yeno kerdene coka rojdemê ma yo sereke şiknayîşê tecrîdê Îmraliyî û rijnayîşê faşîmî yo. Azadîya Rayber Apoyî azadîya cinîyan û şaran a.

Dişmeno ke pê komployî nêeşkayo Rayberê ma dûrî bivisno, 10-14ê sibate de vera Garê operasyonêko taybet kerd, waşt ke komplo newe bikero. La xoverdayîşê gerîlayan Garê de dişmen bin kerd. Serfîrazîya ma ya Garê mîyanê dişmenî de bîye sebebê şikîyayîşanê sîyasî û leşkeran û şar, gerîlayan û têgêrayîşê ma rê bîye moral. Coka xoverdayîşê Sîyanî yê Garê sey serfîrazîyêke ameya pênasekerdene. Embazê ma Şoreş Beytuşebab û 14 embazê ma yê şehîdî yê Garê gewherê cuye yê ruhê fedayî yê Apogîrî yê. Oyo ke Garê de xo ver da PKK yo, felsefe û îdeolojîya PKKyî ya, Rayberîye ya, cinî yê. 

Binkewtişê xo yê Garê ra dima dişmenî waşt ke konseptê îmha û îşxalî Avaşîn, Zap û Metîna de geş bikero, 23ê nîsane de erd û hewayî ra hêrişê îşxalî dayî destpêkerdene. Netîceyê ke Garê de vejîyayî werte û ruhê xoverdayîşî, seba ke bîyî keyeyê hêzanê YJA-Starî û awanîya ma ya rêxistine û seba ke ruho fedayî pêl bi pêlî vila bi, performanso ke dişmenî xeyalê ci nêkerdêne vejîya werte û ruho Apogîr vejîya asta tewr pîle. Mamreşo de embaz Serhat Giravî û Rûkene, Gorê Sorî de embaz Botan û Zinarî Welat, Werxelê de fermandar Cumalî û Çavrê, Zendûra de embaz Rêber û Hejar bîyî fermandarê rayberî yê dewrê neweyî.

Babetanê kombîyayîşî ra yew na bîye ke tewirê cinîyan ê vera îdîaya azadîye, tewiro îradegîr, gewherê welatperwerî, perwerîya bi cuye sey çemberê xoverdayîşî yê Besêyan ra heta bi Zarîfe Rindêxan, Bêrîtan, Azîme, Zîlan, Delal, Sosin, Çavrê, Diljîn, Nûjîn, Tolhildan û Verozan ame ercnayene. Nê çêran eşqê cuya azade bi gonîya xo zerrîya pêro merdimîye de neqş kerd. Serra 2021î Avaşîn, Zap, Zendura, Botan, Dêrsim, Şengal, Rojawan de têna vera artêşa tirke nê vera artêşanê NATOyî, hemkarîya PDK-dewleta tirke, vera pêro hêzanê emperyalîstan, nîjadperestan û faşîstan xo ver da. Serra 2021î hetê tarîxê ma yê têkoşînî ra bîye a serre ke tede destanî nusîyayî, her hela ci de serfîrazîye qewimîyaye. 

Serebût û destkewteyanê 2021î reyna îsbat kerd ke hêzê ma yê gerîlayan esasê perspektîfanê dewrê neweyî de, serê stratejîya şerê şorişgêrî yê şarî de, modernîteya demokrarîke, gerîlatîya cinîyan de geş bîyê, şerê tunelan de taktîkê neweyî girewtî xo ver, metodê têgêrayîşî xorin kerd, bi derb û çalakîyan serfîrazîye arde. Gerîlatîya dewrê neweyî û taktîkan de averşîyayîş tim do ma rê serkewtişî bîyaro.

Kombîyayîşê ma bale ante rewşa nikayêne ya dinya. Krîzê sîstemê modernîteya demokratîke tewr zaf cinîyan û komelî keno hedef. Polîtîkayê sey tacîz, tecawuz, teda û qirkerdişî parçeyê şerê taybetî yê û kerdişê hişmendîya serdestîya camêrdan nefesê cinîyan teng kerdo. Vera ney dormeyê Paradîgmaya Demokratîke, Ekolojîk û Azadîgîrîya Cinîyan de, cinîyî bi eqls û îradeyê xo geş kerd. Rayberîya cinîyan de kurdî wayîrê Hemleya 'Wextê Azadîye' û 'Vera qirkerdişê cinîyan wextê pawitişê komelê azadî yo' vejîyê, vera aqlê faşîstî yê camêrdan, vera hişmendîya tecawuzker û hêrişkerî pêro waran de cuye xoverdayîşî virazîyaye. Tecrubeyê 2021î fermandarîya cinîyan û rayberîya cinîyan de vejîyê werte, sere de Şîlane Goyî, Nûjîne Êrs, Nûjîne Koçer, Nûda Sason, Sosine Bîrhat, Hîlale Goran, Hîra Gabar, Canda, Delîla û Sozdare Qamişlo sey fermandaranê rayberan ê nê dewrî derbazê tarîxî  bîyê. Xoverdayîşê ma vera tecrîdê serê Rayberîye û şarî wayîrê cewabî yo.

Serra 2021î îsbat kerd ke bi xoverdayîşî serfîrazîye do bêra. Serra 50. ya partîya ma do biba serra Newroze û serfîrazîye. Wezîfeyê YJA-Starî no yo ke ma nê xoverdayîşî 2022 de biresnê serfîrazîye. Bi îdîaya ke bi qetî caardişê azadîya fîzîkî ya Rayberîya ma û caardişê hêvîya cuye ya cinîyan û cuya azade ya şaran ma sozê perwerîya xo ya bi şehîdan danê. Bi bawerîya ke seserra 21. do biba seserra azadîya cinîyan û şorişê cinîyan ma pêro cinîyanê xoverdayoxan û şaran selam kenê. Ma sey Konseya Qerargehî ya YJA-Starî ma her kesî rê serkewtiş wazenê.''