8ê Adare Roja Cinîyan ê Kedkaran a Dinya koyanê Kurdîstanî de ameye fîrazkerdene. 

Şayîye de Endama Fermandarîya YJA-Starî Arjîne Dêrsim qisey kerd.

Fermandare Dêrsime şexsê dadîyanê kurdan de 8ê Adare pêro cinîyan rê fîraz kerd.

Fermandare Dêrsime 8ê Adare sey roja xoverdayîşî, têkoşînî, xoşinasnayîşî û afernayîşê estbîyayîşî pênase kerd. Fermandare Dêrsime bale ante tecrîdê vera Rayberê Şarê Kurdî Abdullah Ocalanî ser û îfade kerd ke cinîyî qetî do azadîya Rayberê Şarê Kurdî bîyarê ca.

Fermandare Dêrsim vat: ''Gerîlayê YJA-Starî têkoşînê azadîye yê cinîyan de cepheyê tewr vernî de cagênê. Cinîyî serkêşîya YJA-Starî de  her ca de xo ver danê, xo rêxistin kenê. Ma zî tîya ra venga pêro cinîyan ê ciwanan danê ke wa verê xo bidê refanê YJA-Starî. Vera pêro hêrişanê serê cinîyan ma têkoşîn bikerê. Na govende govenda pêro cinîyan ê têkoşêran a. Ma do bi şîarê Jin, Jiyan, Azadî şorişê cinîyan bîyarê ca.''

Gerîlayanê YJA-Starî zî şayîye de qisey kerd.

Gerîla Lorane Serhed vat: ''Teyna 8ê Adare ney ma do pêro rojan bikerê roja cinîyan û têkoşînê xo bîyarê ca.''

Gerîla Bêrîtane Çîya vat: ''Ma do meşaleya azadîye berz bikerê. Wa pêro cinîyî refanê azadîye û waran debikerê.''

Gerîla Zekîye Roza vat: ''Şorişê Cinîyan mesuldarîya ma ya. Caardişê nê şorişî cinîyanê qetilbîyayeyan rê deynê ma yo.''

Gerîla Dîdare Amed vat: ''Ma armanc kenê ke pêro cinîyan azad bikerê. Têkoşînê ma seba pêro merdimatîye yo.''

Şayîye bi deyîr, tîlîlî, govend û sloganan qedîyaye.