Bajarê Marsilya yê firansa de semedê Sara Tolhildan û Rûkene Zelal înanê ke Mersin de 26ê êlule de çalakîya fedayîye kerde û Nagîhane Akarsel ya ke Silêmanî de hetê dewleta tirke ra ameye qetilkerdene aktîvîteya yadkerdişî ameye kerdene.

Aktîvîteya ke serkêşîya Meclîsê Cinîyan ê Arîne Mîrkan de ameye kerdene xeylêk kesî tewrê ci bîyî. Aktîvîte bi rêzgirewtişê şemedê şehîdanê Kurdîstanî dest pêkerd. Badê qiseykerdişê bi nameyê Komîteya Keyeyanê Şehîdan derheqê şehîdan de sînevîzyon ame mojnayene. Aktîvîte de cinîyêka fransize şîîra ke semedê Nagîhane Akarsel nuşta wende. Zozane Serhata ke bi nameyê Têgêrayîşê Cinîyan ê Kurdan ê Fransa qisey kerd, îxanetê keyeyê Barzanîyî û proseso sîyasî ercna. Serhate vat: ''Nê prosesî de ganî her kes çîyo ke destê ci ra yeno bikero, yewna çare nêmend.''

Aktîvîte pê slogananê “Şehîd namirin” û  “Bijî Serok Apo” qedîyaye.

Gerîlayê YJA Starî Dîrene Wan, Adare Amed û Dîcle Sêrt ê ke 20ê êlule de Amed de şehîd bibî ê zî bajarê Hanau yê Almanya de de bi aktîvîteyêke ameyî yadkerdene.

Aktîvîte de Şerîf Ayo ke qala waya xo Adare Amed kerd, vat: ''Waştişê şehîdanê ma azadîya fîzîkîye ya Rayberîye û azadkerdişê Kurdîstan bi. Ma zî do seba ke xeyalanê înan bîyarê ca zafêr têkoşîn bikerê.''