Meclîsê Mayanê Haştîye yê Amed û Riha de Emîne Şenyaşar û lajê ci Ferît Şenyaşar ê ke 15 rojî yo semedê caardişê edaletî verê Edlîyeya Riha de çalakîye de yê zîyaret kerdî. Seba ke varayîş estbi zîyaret Banê Xizmetî yê Baroyê Riha de ame kerdene.

Bi nameyê Mayanê Haştîye Raîfe Ozbek ard ziwan ke ê kişta Emîne Şenyaşar de yê ke mêrde û di qijê xo vînî kerdî. Ozbeke  vat: ''Nê welat de hewceyê heq, huqûq, edaletî esto. Wa hînî kes/e memiro. Ma ameyê ke dejê na maye pare bikerê. Ganî cade waştişê maye bêro caardene. Wa na neheqîye bêro qedînayene. Ê merdî, ê ameyî tepiştene. No heq nîyo. Waştîşê maye yo heqedar bêro caardene.''