Menga Êlule de serebûtê şîdet û qetilkerdişî yê verba domanan û cinîyan zêde bîyî. Camêrdan menga Êlule de 39 cinîyî qetil kerdî û ê  bi şîdetî teşebus kerdî ke 29 cînîyan qetil bikê.

Tirkîya de kiştişê cinîyan menge bi menge zêde beno. Platformê Ma do Qetilkerdişê Cinîyan Vindarnê (KCDP) pare kerd ke menga Êlule de 53 cinîyî ameyî qetil kerdene. Menga vîyarte de polîtîkayê îqtîdar û bêcezaveradayîşî hukm bi û vatişê ke wayîrê şîdetî kenê, hêrişê verba cinîyan zêde kerdî.

Goreyê doneyanê menga Êlule yê ke JİNNEWS'î arê dayî, menga Êlule de tewr tay 39 cinîyî hetê camêrdanê nêzdîyê înan ra ameyî qetilkerdene, 29 cinîyî zî rastê şîdet, tacîz û tecawuzan ameyî.

Reyna hûmara domananê ke rastê îstîsmarê cînsî ameyî, nêameye tesbîtkerdene la goreyê tespîtan 12 domanî rastê îstîsmarî ameyî. 5 domanî zî hetê merdimanê xo yê zaf nêzdîyan ra rastê şîdetî ameyî. Hukmî menga Êlule de zî kêmkerdişê ceza yê rewşa başe ra fek vera nêda û cezaya çar vergumanan pê îddîaya rewşa başe kêm kerde. Menga Êlule de 39 cinîyî ameyî qetilkerdene û kiştoxê 24 cinîyan kifş ê la êyê 15 cinîyan zî nêameyî tespîtkerdene. "