Gore raporê menga teşrîna peyêne yê Platformê Ma Do Qetilkerdişê Cinîyan Vindarnê mengêke de 39 cinîyî ameyî qetilkerdene. 11 menganê na serre de zî 430 cinîyî hetê camêrdan ra ameyî qetilkerdene.
Raporê menga teşrîna peyêne yê cinîyan de ame vatene ke "Heta ke bêro tesbîtkerdene kamyew hetî ra û senî ame kiştene, hukmkerdişêko biedaletî nêno kerdene û ceza nêna dayene û bi nê hawayî şîdet do dewam bikero.
Gore raporî mîyanê mengêke de 39 cinîyî hetê camêrdan ra ameyî kiştene. Gore heman raporî qetilkeridşê 11 cinîyan sey mergê bişikî ame qeydkerdene, nêame tesbîtkerdene ke 19 cinîyî çira ameyî qetilkerdene, 4 cinîyî semedê ekonomîkî ra, 5 cinîyî semed o ke waştêne camêrdan ra bibê cîya ameyî qetilkerdene.
Raporî de ame vatene ke "Nêame tesbîtkerdene ke 11 cinîyî çira ameyî kiştene, 11 cinîyî hetê camêrdanê xo ra ke dima zewijîyayî, 2 cinîyî hetê camêrdanê xo ra ke reya verêne zewijîyayî, 4 cinîyî hetê babîyê xo ra, 2 cinîyî hetê lajanê xo ra, cinîyêke hetê birayê xo ra û 4 cinîyî zî hetê waştîyanê xo ra ameyî kiştene."
Raporî de ame parekerdene ke 11 mengan de tewr tay 430 cinîyî ameyî qetilkerdene. Platformê Ma Do Qetilkerdişê Cinîyan Vindarnê tesbît kerdibi ke serra 2016î de 328 cinîyî, serra 2017î de 409 cinîyî û serra 2018î de zî 440 cinîyî ameyî kiştene.
