Fermandaranê YJA-Starî ra Hêzile Ozgur kombîyayîşê Konseya Qerargehî ya YJA-Starî ANFyî rê ercna û  derheqê xoverdayîşê gerîlayan ê 2021î de qisey kerd.

Qiseykerdişê Ozgure ra beşêk wina yo:

''Serra 2021î seba ma serra destkewteyanê pîlan û hêrişanê îşxalî yê pîlan a. 2021 de dişmenî vera gerîlayan planê îşxalî kerdbi la gerîlayan zî amadekarîya xo kerdbî. Dişmenî 23ê nîsana 2021î de vera Herêmanê Pawitişî yê Medya hêrişê îşxalî dayî destpêkerdene. Dişmenî wina hesab kerdêne ke cade Avaşîn, Zap û Metîna bivisno xo destî, gerîlayan tasfîye bikero û Başûrî zî îşxal bikera. La gerîlayan dişmen pê xoverdayîşêkê pîlî pêşwazî kerd. Serkêşîya embazan ê cinîyan de çêrîyê pîlî vejîyayî werte, dişmenan derbê pîlî dayî dişmenî ro û hêrişê dişmenî pûç kerdî.

Nê hêrişan de xeta fedayîye ya Zîlane û Bêrîtane şexsê embazan ê cinîyan de newe ra vejîyaye werte. Embazan ê cinîyan şerê tunelan de ca girewt. Aris Faris de serkêşîya embaze Dîyana, Amara û Sarya de înan heta peynî xo ver da û mewzîyê xo nêteriknayî. Nê embazan ê tunelî de hêrişê dişmenî şiknayî. Nê embazanê ma yê şehîdan mojna ma ke ma gannî senî biciwîyê, cuyêka senî qebul bikerê. Cinîyê kurdî layîqê cuyêka winasên ê.

Herêmanê Pawitişî yê Medya de mîrasê xoverdayîşî her ke şi pêl bi pêl pîl bi, xurt bi û reyna îsbat bi ke seba pêro cinîyan no xoverdayîş hêvî ya. Cinîyê kurdî hetê têkoşînê vera pederşahîye û îşxalkerîye ra çime yê. Ewro serkêşîya YJA-Starî de şerwanê çêrî, gerîlayê çêrî têna cinîyan ê kurdan nê pêro cinîyanê ke maruxê tacîz, tecawuzî manenê pawenê. 

Dişmen çend wayîrê teknîkî bo zî pê îrade û bawerîya gerîlayan nêeşkeno. Asta ke YJA-Starî afernaya na ya. Şerê Herêmanê Pawitişî yê Medya de no vejîya werte. Gerîlatîta modernîteya demokratîke de embazî wayîrê branşêk ê, eşkenê her warî de rolê xo bîyarê ca. No mîrasê embazan do tim vernîya ma roşnî bikero.

Ma kombîyayîşê Konseya Qerargehî de xeylêk babetî nîqaş kerdî û birî girewtî. Ma kêmasîyê 2021î nîqaş kerdî. Çêrîye û xoverdayîşê embazanê ma yê şehîdan zaf tesîrê ma kerd. Coka na çarçewe de rexneyî ameyî dayene. Ma deyndarê şehîdanê xo yê.

Xeta şehîdan ser de ma ganî têkoşînê azadîye geşêr bikerê. Kombîyayîş de perspektîfo ke do ma biresno azadîye bi hawayêkê zelalî vejîya werte. Ma sey YJA-Starî do çêran xo yê çêran xo rê esas bigêrê. Ma do heqê kêmasîyanê xo ra bêrê û 2022 de nefesê peyênî yê dişmenî çin bikerê. Sond û bira ma naye ser a.''