Meclîsê Cinîyan ê Rimêle yo ke 1’ê Adar a 2018’î ame ronayene meclîsê cinîyan ê  diyîn ê Reqa yo. Meclis de problemê bi desan cinîyan yenê çareserkerdene. Meslîso ke 15 cinîyî aktîf xebitîyene semedê heqanê cinîyanê ke yenê binpaykerdene xebatî yenê kerdene.

Meclîsê Cinîyan ê Rimêle de heta nika problemê 300 cinîyan ameyî çareserkerdene. Reyna hetê ekonomi ra zî paştî dîyena cinîyan. Binê serbanê meclîsî de 18 komunê ke ameyî ronayene problemanê ekonomi yê cinîyan çareser kenê.

Endama meclîsî Madlên Matere vat meclîso ke înan bi 3 cinîyan awan kerdo sere de kesêk nêwaştêne ke nê meslîsî de ca bîgêro û wina  dewam kerd: ‘’ Ma bi perwerdeyan zîhnîyetê DAÎŞ’î werte ra wedart û bi projeyan cinîyî tewrê meclîsî kerdî. Bi qursê gureyê destî   40 cinîyan ke dest xebat kerd hetê ekonomî ra bîyî xoser. Reyna ma bi projeyanê citkarî û firinî cinîyî ardî cayêko holêr. Ma do bi paştdayîşê Komîteya Cinîyan a Meclîsê Sivîlan ê Reqa hîna aver şirê û projeyanê xo yê binan bidê ciwîyayene.’’