Nawnayîşê 8ê Adare Roja Cinîyan ê Kedkaran a Dinya Wan de pê şîarê 'Vera qirkerdişê cinîyan ma cuye pawenê. Vera tecrîdî ma azadîye pawenê' dest pêkerd. Nawnayîş hetê Têgêrayîşê Cinîyan ê Azadan (TJA) û Meclîsê Cinîyan ê HDPyî ra ame serûberkerdene.

Warê nawnayîşî yê Parka Musa Anterî yê qezaya Rêya Armûşî pê balonanê mor û sipîyan xemilîya û platform de pankarta 'Serewedaritişê ma seba azadîya ma ya' darde bîye.

Agirî, Qers, Îdir û Colemêrgî ra cinîyî ameyî warê nawnayîşî. Vervatoxa Meclîsê Cinîyan ê HDPyî ayşe Acar Başaran zî tede xeylêk cinîyî pê kincanê tradîsyonelan tewrê nawnayîşî bîyî.

Warê nawnayîşî de 'Biciwîyo xoverdayîşê cinîyan' û 'Cinîye, cuye, azadîye' berz benê. Cinîyî oê deyîranê Koma Deştê Geverê govendan gênê. Nawnayîş de Ayşe Acar Başaran nameyê HDPyî ser o do qiseu bikera û Pinare Aydinlar zî deyîran vaja.