Koordînasyonanê PAJK û KJKyî bi eşkerayîyêka hempare bale ante Şerê Dinya yê Hîrêyînî ser û venga pêro cinîyan da ke têkoşînê xopawitişî aver berê, profesyonel bikerê û yew bikerê.

Eşkerayîye wina ya:

''Têkoşînê azadîye yê cinîyan û şorişê cinîyan seserra 21ine de sey yew tîje vera hêzanê serdestîya camêrdan û modernîteya kapîtalîste hêvî û cesaret danê merdimatîye. Rayber Apoyî zî seserra 21ine sey seserra cinîyan pênase kerdbî. Şorişê Cinîyan bi şîarê 'Jin, Jiyan, Azadî' pêro dinya ra vila beno. Ma zî coka hemleya xo sey 'Bi Jin, Jiyan, Azadî; Ver bi Şorişê Cinîyan' name kerd. Ma wina armanc kenê ke vera Şerê Dinya yê Hîrêyînî têkoşînê xo berz bikerê. Şerê Dinya yo 3. bi krîzan rî dano. La her krîz verê şorişan û qewimîyayîşanê komelkîyan zî akeno.

2023 de no şer hîna giran bi. Rojawanê Kurdîstanî de şerê qirkerdişî, şerê Sûrîye, şerê Rûsya-Ukraya, şerê Armenîstan-Azerbaycanî, şerê Îsraîl-Hamasî nê pêroyînan Şerê Dinya yo 3. eşkera kerd. Nê pêro şeran de nîjadperestîye, dînperestîye, cînsîperestîye û zanistperestîye hêrişê cinîyan û şaran kenê. Taybetmendîya Şerê Dinya yê 3. a ya ke bi destê camêrdîya hegemone dişmenîya cinîyan, komel û xoza keno. 

Nê prosesî de sey cinîyan mesuldarîya ma ya ke ma têkoşînê xopawitişî bikerê esas. Mumkîn nîyo ke cinîyî bê xopawitişî vera sîstemanê hegemonan, dewletanê neteweyîyan û serdestîya camêrdan têkoşîn bikerê. Heta ke ma xo, bedenê xo, heqanê xo, nasnameyanê xo û estbîyayîşê xo nêpawê camêrdîya hegemone, sîstemo kapîtalîst û raştîya înan a krîz-kaosî do ser bikewê.

Cinîyî eke dewletanê neteweyîyan, îqtîdaran û serdestîya camêrdan ra abirîyê do bieşkê xopawitiş, rêxistinî û îradeyê xo bîyarê ca. Rayîrê ney zî averberdişê sîstemê Koneferalîzmê demokratîkî yo. Cinîyî ganî her warê cuye de cabigêrê û vera pêro şîdetê camêrdan xo bipawe.

Ganî ma vera neteweperestîye Neteweya Demokratîke awan bikerê, vera dînperestîye bawerîya demokratîke awan bikerê, vera zanistperestîye jineolojî awan bikerê û konferalîzmê demokratîkî înşa bikerê.

Mîyanê têgêrayîşê PKKyî xêrê têkoşînê Rayber Apoyî ra tim têgêrayîşê cinîyan est bi. Serkêşîya Sakîne Cansiz de tecrubeyê ma yê têkoşînî yê 50 serran est ê. Bi hezaran embazê ma yê cinîyî ewro koyan de têkoşîn kenê. Ancî Rojawan, Şingal, Rojhelat û Başûrê Kurdîstanî de embazê ma yê cinîyî xo ver danê.

Kurdîsyan de hêriş û qirkerdişê vera cinîyan dewam kenê. Vera ney erkê cinîyan ê kurdan o ke têkoşînê xopawitişî aver berê. Ma bi şîarê 'Jin, Jiyan, Azadî' bîyî vengê pêro cinîyan ê kurdan. Ganî no veng qet vindî nêbo û vera pîlêr bibo. 

Coka ma venga cinîyan danê ke xopawitişî bikerê rojdem, nîqaş bikerê, nê esasî ser o xo rêxistin bikerê û têkoşîn bikerê. Ganî ma qederê xo, bi xo dîyar bikerê. Ma sey PAJK û KJKyî venga pêro cinîyanê ke têkoşînê estbîyayîşî kenê, danê ke têkoşînê xopawitişî aver berê, profesyonel bikerê û yew bikerê.''