Festîvala Cinîyan a Rojbîne ewro do Parc Interdepartmental Sports Paris Val de Marne yê Creteil Pompadourî yê Parîsê Fransa de virazîyo.

Têgêrayîşê Cinîyan ê Kurdan ê Fransa (TJK-F) festîvale virazeno û slogana ê ya emserî zî bi nê hawayî ya; Xoverdayîşê Cinî rayîrê azadîye akeno. Xeylî organîzasyonê cinîyan û femînîstî yê Fransa zî morê xo da binê vengdayîşê festîvale ro û tewrê xebatanê amadekarîye bîyî.

Aktîvîsta TJK-F’yî Dîlan Amede meydanê festîvale de ANF’yî rê qisey kerd û vat, “Wextêko derg bi ke amadekarîyê Festîvala Rojbîne ameyêne kerdene. Ewro ma amadekarîyê xo qedînayî. Ma veng danê Kurdanê Fransa ke tewrê festîvale bibê. Ma bi xoverdayîşê Zîlan û Semayan resayî na derece. Ma veng danê cinîyan ke dorê nê xoverdayîşî de bêrê têhet û tewrê festîvale bibê.”

Vervatoxanê Têgêrayîşê Cinîyan ê Kurdan ê Fransa (TJK-F) ra Sevgî Yavaşe zî veng da cinîyan ê Kurdan ke tewrê festîvale bibê. Festîvale do ewro saet 12 de dest pê bikero û Pinar Aydinlare, Denîz Demane, Meral Alkane, Xecê Yaşare, Rûken Newa û Dîlana Rojarya sehne de ca bigêrê. Hetêna ra seba domanan zî parkêkê kaykerdişî ame amadekerdene.