Paytextê Fransa Parisî de bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan bi des hezaran cinîyî vejîyayî kuçeyan.Yeno texmînkerdeneke 50 hezarî ra zafêr cinîyî tewrê çalakîye bîyî.

Çalakîya ke rêxistinê femînîstî, pawitoxê heqanê cinîyan, partîyê sîyasîyî tewrê ci bîyî de Têgêrayîşê Cinîyan ê Kurdan ê Fransa ( TJK-F) Cinîyê Ciwanî yê Şorişgêrî yê Parisî û Yewîya Cinîyan a Sosyalîstan (SKB) zî bi pankartanê xo cayê xo girewt. Çalakîye de fotografê cinîyan ê kurdan ê şorişgêran ê Hevrîne Xelef a  ke Rojawanî de ameye qetilkerdene û Sakîne Cansiz, Fîdane Dogan û Leyla Şaylemez ê ke 9ê çele ya 2013î de Paris de ameyî qetilkerdene ameyî kiriştene. Cinîyanê ke pankartê ‘‘ Cinîyî Rojawanî pawenê‘‘ û ‘‘Şîdetê vera cinîyan polîtîk o‘‘ kiriştî sloganê ‘‘Cinî, cuye, azadîye‘‘ eştî. Parlamentera Fransa Danielle Simonnet zî cayê cinîyan ê kurdan de vindert û mesajê  xoverdayîş û paştdayîşî dayî.