Wendekara Zanîngehê Munzurî Gulîstane Doku 5ê çeleyî ra nata Dêrsim de vînbîyaye ya û tira xeberêke nêna girewtene. Buroyê Krîmînalî yê Neteweyî raporê xo yê derheqê tehqîqatê Doku de temam kerd. Goreyê raporî pîrdî serî ra çîyêk nê ginayo awe ro.

Mudirîya Asayîşî ya Dêrsimî têna xokiştişî ser o vindertbî û tehqîqato hîra nêkerdbi. Goreyê raporê Buroyê Krîmînalî yê Neteweyî pîrdî serî ra çîyêk nê ginayo awe ro. No vatişê Gulîstane Doku xo eşto awe pûç vejeno.  Senî ke 214 rojî yo keyeyê ci û cinîyî persenê, ewro badê nê reporî reyna yeno persayene ke Gulîstane Doku ça de ya?

Avukatê keyeyê Doku Ali Çimenî vat: ''Bi nê raporî tezê xokiştîşî rijîya. Roporê Buroyê Krîmînalî yê Neteweyî yê Komîsyonê Edaletî yê Îstanbulî ke çarçeweya tehqîqatê dosyaya Gulîstane Doku ya Serdozgerîya Komare ya Dêrsimî de ameyo amadekerdene ramojneno ke raporê polîsan xelet o. Raporê polîsan de amebi vatene ke Gulîstane Doku 5ê çeleyî ya 2020î de saete 12.25 de xo serê pirdî ra eşto awe. Badê nê raporî têne awe de cigêrayîş ame kerdene û xokiştişî ser o amebi vindetene. Goreyê raporê pîsporî a roje û saete de pirdî serî ra çîyêk nêginayo war. No yeno no mana ke Gulîstane Doku xo pîrdî serî ra nêeşte ware. Gulîstane Doku xo nêkişte. Tehqîqat de heme şikî sey versûcdarê verênî Zaynal Abarakovî nîşan danê.''