Platformê 'Ma Verê Kişîyayîşê Cinîyan Bigêrê' (KCDP) raporê menga teşrîna peyêne de eşkera kerd.

Goreyê raporî teşrîna peyêne de 29 cinîyî ameyî qetilkerdene, 10 cinîyî zî bi hawayêkê şikdarî merdî. 

Dîya zanayene ke 29 cinîyan ra 10ê ci hetê mêrdeyan ra, 5 cinîyî hetê camêrdan ra, 2 cinîyî hetê merdimanê xo ra, 2 cinîyî hetê babîyanê xo ra, 1 cinîye hetê birayê xo ra, 2 cinîyî hetê nasanê xo ra ameyî qetilkerdene.

20 cinîyî keyeyê xo de, 4 cinîyî teber de, 3 cinîyî cayê karî de, cinîyêke zî erazî de ameyî qetilkerdene.