TJA û Înîsîyatîfê Dayîkanê Haştîye  çarçewaya Roja Dayîkan de banê DEM Partî yê Bagcilarî yê Amedî ameyî têhet. Aktîvîte de pankertê ''Ji bo dayikan diyarîya berî baş aştî ye'' ame daliqnayene.

Têhetameyîş  de şîîra bi sernameyê Pêro Qican rê ya ke Rayber Apoyî bi îlhamê mektubanê qican ke ci rê şawitî, nuşte, reya verêne ameye wendene.

Şîîra Rayber Apoyî wina ya:

''Pêro qican rê

Ma şodirêkî de yewbîn sarisna
Gama ke bero bi surgîyê asinî yo serdin abi

Sey her rojî gardîyan vindet

Destê ci de girzeyêkê rojnameyan

Ez ey ra persaya; Ewro mektubî ameyî?

Bi vengê nimzî vat, 195 mektubî ameyî‘

195 mektubî. Her mektubêk de 195 qicî.

Ewro pêro mêmanê min ê
Mîyanê nê çar dêsan de                                         

Qicîyen şima xeyr ameyî;

Şima bi gul û vilikan ameyî

Embazê min ê zerrîgird

Şima bi vilikan odayê min o tarî roşn kerd

Şima bi boya  wisarî ameyî.

 Pêro rengî verdayî mîyanê dengizî

Boykerdişê qican bi antişê zerrîya xo

Ez yew bi yew virar şina înan ra

Dima ra gama ke ez menda rojnameyan ra

Quncikêkî bale mi ante

Fotografê rêzkerdeyî

Yê qicanê rihayijan

Serê erdê sîya-sipîyî de

Qicî tim sipî yê

Bejne bi bejne rêz bîyî

Her awirêk de vateyêk, sey çalakîyêke

Tewr qijan de zî; dinyayêke

Awirê mi kîlît bîyî;

Bêmabên nîmsaete
Ez şîya cayê qican,cayo ke 195 qicî tira ameyî

Şîya cayê ê qican,

Şîya cayê pêro qicanê dinya
Ê awirî romanê bênameyî

Ewro ez serê destanê qijan ra rayra şîya

Mi destê xo da qican

Înan ez berda; azadîye azmînî

Azadîye bi înan dest pê kena, bi înan qedîyena

Ewro ez virarşîya dengiz, boya herre ra

Ez xora tim qic bîya

Ez dinyaya qican de nimîtî bîya

Hela ke mi dostanê xo yê qijan de qal kerdêne

Ez bi vengê o berê asinî ceniqîyaya

Saeta hewagirewtişî saetêk a

Hela ke ez game bi game rayra şîyênî;

Qulingê ke azmîn de firdanê

Mi destê xo berz kerd

Bi vengêkê zerrîya mi ra yeno mi vat ''selam''

Selam vajê qulingî, selam vajê 195 qican rê..

Înan ra vajê;

Wa rindiye bimûsî, zanistî bimûsî

Dayîkan rê, babîyan rê vajê;

Wa înan vêşan meverdê;

Vajê qulingî, vajê

Qicanê rihayijan ê qijan ra vajê ez lewe nana qican a

Pêro qican rê selam vajê

Rayber do semedê înan biciwîyo

Vajê ez înan ra zaf hes kena

Lewe nana çimanê perûne ro

Rêbertî''

 Badê wendişê şîîre heyate de vengê slogana “Biji Serok Apo” bi berz.