Merasîmê akerdişî bi beşdarbîyayîşê xebatkaranê sazgehanê sîvîlan û rayberîya cinîyan ame kerdene. Ame zanayene ke dewreyê bernameyê perwerdeyî yo ke 90 cinîyî tewr ci bîyê 6 mengî do dewam bikero.

Merasîmî bi rêzgirewtişî dest pêkerd û bi nameyê Meclîsê taxa El-Meşlîbî endama meclîsî Rîma Îbrahîme qisey kerd û akerdişê dewreyî pîroz kerd û wina dewam kerd: “Na game seba ke cinîyî kesîya xo nas bikerê gamêka muhîm a. Cinîyê zanayoxî bingeyê awankerdişê heme beşanê cimatî yê.”

Hetê bînî ra endama Rayberîya Cinîyan a Reqa Fehîma Casime zî qisey kerd û qehremanîya şehîdanê ke oxirê heqanê cinîyan de cuya xo vîndî kerda ardî vîrî û ê yad kerdî. Fehîma bale ante ser ke çeteyanê DAÎŞ’î bi rayîrê îşxalkerdişê herêmanê Vakur û Rojakewtena Sûrîye, sere de cinîyî kerdî amancê xo û vat, “Ewro bi hêzê xo cinîyî eşkenê fikirê ke DAÎŞ’î bi zor ardê pê ra bixelisîyê.”