Meclîsê Cinîyan ê Partîya Ameyoxî yê Sûrîye Qamişlo de derheqê 8ê Adare de semînerêk da û cinîyî pê konvoyê wesayîtan gêrayî. Kongreya Starî Qamişlo û Amûdê de seba astengdaran şayîye kerde.

Qamişlo

Meclîsê Cinîyan ê Partîya Ameyoxî ya Sûrîye Parka Xwendinê ya Qamişloyî de bi serrnameyê 'Têkoşînê Hevrîne û Nadya rayîrê şorişê ma yo' semînerêk da. Xeylêk cinîyî tewrê semînerî bîyî. 

Endama partî Îmane Elî semîner de qisey kerd û pare kerd ke Şorişê Rojawanî pêro cinîyanê dinya rê bîyo mîsal. 

Dima endamê dezgehanê Îdareyê Xoserî yê Qamişloyî zî tede cinîyê pê konvoyê wesayîtan gêrayî û înan fotografê Rayberê Şarê Kurdî, alayê Kongreya Starî, PKKyî û YPJyî akerdî.

Cinîyan xeylêk dezgeh û goristan zîyaret kerdî. Goristan de Endama Meclîsê Keyeyanê Şehîdan Necahe Gulo 8ê Adare yê Abdullah Ocalanî, şerwanan û tepişteyan fîraz kerd.

Dima endamanê Kongreya Starî hêzê YPJ,HPC û Hêzê Xopawitişî zîyaret kerdî û xelatê sembolîkî dayî înan. Dima astengdarî ameyî zîyaretkerdene û xelatî dîyayî înan.

Minbic

Minbic  de zî cinîyan semînerêk da. Semîner bi deqayêkê rêzgirewtişî dest pêkerd. 

Dima Endama Merkezê Jineolojî Mêrvete Hemed qisey kerd.  Mêrvete verî derheqê tarîxê 8ê Adare de tay agahîyî dayî û vat: ''Cinîyî têna eşkenê pê îdeolojîyê Rayber Apoyî xo bixelisnê. Cinîyî têna pê xopawitişî eşkenê qirkerdişan ra xo bixelisnê. 2021 do biba serra têkoşînî û azadîya cinîyan.''

Semînerî ra dima xelatî dîyayî û govend gêrîya.