Xeylêk şaristananê Rojawanê Kurdîstanî de cinîyan çarçewa 8ê Adare Roja Cinîyan ê Kedkaran a Dinya de aktîvîteyî kerdî.

Dêrik:Merkezê Kultur û Hunerî yê Dîcle de derheqê 8ê Adare de semînerêk ame dayene. Semîner de ame parekerdene de cinîyî pê rolê xo yê Şorişê Rojawanî her cayê dinya de şinasîyenê.

Şehba:Endamanê Yewîya Cinîyan ê Ciwanan Şêrawa de rayraşîyayîşêk kerd. Cinîyan posterê Rayberê Şarê Kurdî kiriştî û pankarta 'Serkewtişê cinîyan ê azadan 8ê Adare xemilneno' akerde. Kampa Vegerî de zî Kongreya Starî şayîyêke viraşte.

Tirbêsipîyê:Yewîya Mamostayan di semînerî kerdî. Semîneran de Perwîne Yûsif û Gulîstane Gulo derheqê 8ê Adare de qisey kerd. Semîner pê nîqaşan qedîya.

Çilaxa: Heyetê Kongreya Starî merkezê QSDyî û Hêzê Asayîşê Zereyî zîyaret kerdî 8ê Adare yê înan fîraz kerd.

Heleb:Nuştegehê Meclîsê Cinîyan ê Sûrîye û Yewîya Cinîyan ê Ciwanan vilawekî vila kerdî, mamostayan rê gulî vila kerdî.

Reqa:Şaristanê Reqa de cinîyan Merkezê Îdareyê Cinîyan de şayîyêke kerde. Şayîye ra dima cinîyan ê kedkaran rê dîyarî dîyayî.

Tebqa:Îdareyê Cinîyan ê Tebqa pê beşdarîya bi seyan cinîyan verê Akademîya Adare Hatun de xeyma tradîsyonî akerde.

Dirbêsipîyê: Cinîyan Jinwar de şayîyêke viraşte û dima zî leyê daran ronayî. Şayîye pê govendan qedîyaye.

Hesekê: Salona Reşoyî de Meclîsê Cinîyan ê PYDyî semînerêk da û xeylêk cinîyî tewrê semînerî bîyî. Semîner pê qîrayîşê sloganan qedîya.

Girkê Legê: Koordînasyonê Kongreya Starî derheqê vurnayîşê mezgê camêrdan de semînerêk da. Xeylêk camêrd û cinîyî tewrê semînerî bîyî.