Cinîyê ke Rojawan ra tewrê sefanê PKKyî bîyî koyanê Kurdîstanî ra eşkerayîye daye û mesajê pîlkerdişê têkoşînî dayî.

Eşkerayîya cinîyan ê ciwanan wina ya:

''Ma sey cinîyan ê Rojawanî tecrîdê serê Rayberîye sey tecrîdê vera heme merdimîye hesibnenê. Bi nê tecrîdî wazenê verê îdeolojîya cinîya azade ya Rayberîya ma bigîrê. Seba ke nêeşkayî îradeyê Rayberîye bişiknê û îdeolojîya ci bin bifînê, verê xo da çar leteyanê Kurdîstanî. La ê se kenê wa bikerî nêeşkenê gerîlayanê YJA Starî ke her war açarnayo warê têkoşînî. Vera têkoşînê cinîyan ê xoverdayoxan ê ke bi felsefeya Rayber Apoyî têkoşîn kenê, nêeşkenê aver şirê. Gerîlayanê YJA Starî hemleyanê Bazên Zagrosî û Cenga Xabûrî de reyna ramojna ke îşxalkerî do meeşkê herêma Kurdîstanî û koyanê ci de biciwîyê.

Seba ke binkewtişê xo binimnê bi rayîranê leyminanê bînan hêrişê hêriş kenê. Bi tacîz-tecawuz, fuhuş, remnayîş û xapînayîşê cinîyan hêrişê şerê taybetî kenî ke xo serkewtê ramojnê. Reyna Başurê Kurdîstanî de bi destê xayînan cuya cinîyan ê ciwanan pabeste kapîtalîzm û şerê taybetî. Ma zî vera nê hêrişan rolê xo yê serkêşîye kay kerd û verê xo da koyanê azadan ê Kurdîstanî. Ma çarçewa Hemleya  “Werin Cenga Azadiyê, Dem dema Azadiyê ye ” de tewrê gerîlayan bîyî. Ma do xeta şehîdanê xo de têkoşînî pîlêr bikerê. Ganî sere de cinîyê kurdî heme cinîyê dinya berpirsîyarîye bîgirê û verê xo bidê koyanê azadan. Ma reyna sozê serkewtişê qetî danê û vanê ke hinî wextê azadîya cinîyan, şarê kurdî û heme merdimîye yo.''