Muxabîra Ajansê Mezopotamya (MA) Esra Solîn Dala ke rîyê xebatanê rojnamerîye ameye rehîn girewtene Zîndanê Qefilnayeyî yê Cinîyan ê Kadikoyî de raştê cigêrayîşê rûtî ameye.

Dale do bi rayîrê avûkatanê xo vera nê caardişî pêhesnayîşê sûcî bikero.

Komeleya Rojnamegeran a Dicle Firatî (DFG) derheqê cigêrayîşê rûtî yê vera Dale de hesabê xo medyaya sanale ra nêrazîbîyayîş mojna. DFGyî vat: “Ma îşkenceyê cigêrayîşê rûtî qebul nêkenê ke vera anorê merdimîye yo. Qet hêrişêk nêeşkeno verê Çapemenîya Azade bigêro. Vera hêrişan têkoşînê ma do dewam bikero. Ma do îşkenceyê zîndanan bidê eşnawitne, karê xo rê dewam bikerê.”