Şerwana YPJ’yî Ronahî Şengale qezaya Cindirisî ya Efrînî ra ya û 2014 de tewrê refanê YPJ’yî bîya.

 Şerwana YPJ’yî qalê vîrameyîşanê xo kerd:

“Şerê mabênê embazan û Cephet el Nûsra û çeteyanê bînan mi ser o tesîr kerd, ez bi nê tesîrî beşdar bîya. Mi qerar da ke tewrê têgêrayîşî bibî.

Şoreş sey adirêk bi ke serdê zimistanî de her kes, her gane dormeyê ê de yeno pêser. Germayîya embazan a mîyanê şarî sey adirêk bî ke her kes dorê xo de ardêne pêser. Mi zî bi nê hawayî nas kerd. Vero ke ez beşdar bibî mi waşt bi metodêk şirî verê embazan, înan dir qisey bikerî û înan nas bikerî. Rayraşîyayîşêk estbi, ez zî tewrê ci bîya. Nê rayraşîyayîşî de ez bîbîya seke mîrçika ke qefesê xo ra vejîyo û bipero. Ûca mi cuyêka cîyaye, dinyayêka cîyaye dîye. Gama ke ez tewrê refanê embazan bîya mi hîs kerd ke seke ez ûca bêrî dinya. Mi zaf waştêne ke tewrê ci bibî, mi waştêne ke bivînî tirêm têgêrayîşêko senên o, embaz/e kamî/e ra vajêno, çira şehîd kewenê û şero ke qewemîyeno çi yo? Mi waşt halî fam bikerî. Heybetê înan, embazîya înan, tewirê înan, têgêrayîşê înan ê mîyanê şarî tim bala mi antêne. Mi bi nê hawayî nas kerd û tewrê ci bîya”.