Endama Konseya Qerargehî ya YJA-Starî Jînda Ronahî ANFyî rê qisey kerd. Qiseykerdişê Jînda Ronahî ra beşêk wina yo:

''Gerîlayanê YJA-Starî 2021 de bi bawerî û waştişêkê pîlî serra newîye pêşwazî kerde. Ma kombîyayîşan de qerardarîya pîle vete werte. Plansazîyê raştikênî ameyî kerdene. Kurdîstan de hetê têkoşînê azadîye û têkoşînê cinîyan ra xetêka ke qet bin nêkewta vejîyaye werte. Hêrişê dişmenî 2021 de bi nê hawayî ameyî pêşwazîkerdene. YJA-Starî 2021 de 116 çalakîyî kerdî. Nê hetî ra bîlançoyêka serkewte esta. Tewirê gerîlayan ê cinîyan tewirêko winasên bi ke înan heta peynî da dişmenî ro û qet teslîmîyet qebul nêkerd.

Dewleta tirke vatêne qey pê gerîlayan bieşka û Başûrî zî pey ra îşxal bikera. La gerîlayan, bi taybetî gerîlayan ê cinîyan şerê tunelan de şerwanî û fermandarîya xo îsbat kerde. Şerê tunelan dewrê gerîlatîye de dewrêko newe û tarîxî bi. YJA-Starî bi tecrubeyanê serran tunelan de şerêko serkewte ard ca. Gerîlayanê YJA-Starî vera artêşa NATOyî xoverdayîşî rê dewam kerd ke şerê nê tunelan şerêko normal nêbi.

Gerîlayanê YJA-Starî mojna ke waştişê înan o azadîye çend zelal û mende yo. Tay embazan vera teslîmîyetî xo ser de bombayî teqnayî. La xora no performans qîm nêkeno; çunke ma hema nêeşkayî Kurdîstanê xoserî awan bikerê, Rayber Apoyî azad bikerê, artêşa tirke çin bikerê.

Dewlete de tewr nîyetê çareserîye çin o. Ma vera dewleta îşxalkere şerê şarî yo şorişgêr da xo ver. Ma qerardar ê, ma plansazîya xo ya 2022î zî goreyê ney kerd. Gerîlayî pêro mewzîyan de rayberîye kenê û bi taktîkanê zengînan şinê dişmenî ser. Ganî ciwanê kurdî zî hîna zêdê hetê gerîlayan de ca bigêrê.''