Serrgêra 19. ya ronayîşê Koma Jinên Kurdistan (KJK) bajaranê Kobanê û Hesekê yê Rojawanî de bi aktîvîteyanê cîya cîyayan ameye pîrozkerdene.

Bajarê Kobanê yê Kantonê Fratî de hetê Kongra Starî ra bi şîarê  “Bi Jin Jiyan Azadî ver bi şorişê cinîyan” Merkezê Kultur û Hunerî yê Baqî Xidoyî de aktîvîteyêke ameye kerdene. Qiseykerdişan de ama vatene ke bi fîkr û felsefeya Rayberê Şarê Kurdî Abdullah Ocalanî cinîyê kurdan sey hêzêkî heta ewroyî ameyî. Badê qiseykerdişan bi deyîran govende ameye girewtene.

Bi eynî wesîle Hesekê de zî Kongra Starî Parka Rayber Apoyî de 100 gulî nayî ro. Qiseykerdişan de ame vatene ke KJK seba ke cinîyan koletîye ra bixelisno û îdareyêko demokratîk înşa bikero gureyeno.