Cinîya ciwane Roza Emîn Bereket 8 serrî verê hetê cerganê DAÎŞî ra esîr amebî kerdene û Rojawan de destê DAÎŞî ra amebî xelisnayene. 8 serran ra dima Roza resaye keyeyê xo yê Şingalî.

Dadî, babî, way û birayê Roza destê DAÎŞî de yê. Şingal de apê Roza a pêşwazî kerde. Roza vat: ''3ê tebaxa 2014î seba ma pêroyînan roja tewr reş a. Cerganê DAÎŞî wexto ke hêrişê Şingalî kerd, şarê ma qir kerd, cinîyan rê tecawuz kerd, cinîyê Şingalî bazaran de rotî. DAÎŞî cinîyan rê îşkenceyo psîkolojîk kerdêne. Înan bire daye ke ma bîyarê Tirkîya. La rayîr de hêzanê QSDyî ma xelisnayî. Hêzanê asayîşî ma ardî Kampa êzidîyan a Kobanê. Hêzanê asayîşî rîsipîyanê êzidîyan Şêx Faruqî de qisey kerd, dima ez arda Şingalî hetê keyeyê mi. Ez înan rê zaf sipas kena.

Wexto ke mi keyeyê xo ez zaf şay bîya. La seba ke mi dadîya xo nêdîya hema zî xemgîn a. La pê bawer a ke QSD do dadîya mi zî bixelisno û ez do aye pêşwazî bikera.''

Pîrika Roza Xensê Xelef zî hêzanê QSD û Asayîşî rê sipas kerd. Xalê Roza vat: ''Cerganê DAÎŞî pêro keye esîr kerd. 2 way û birayêkê aye ameyî xelisnayene. Nika dadî, babî û çend birayî mendî. Roza mengêke verî xelisîyaye. Ma hêzanê QSD û asayîşî rê zaf sipas kenê.''