Sêwas de dehşetê camêrdî: Yew keyeyî ra 4 tenî mirênayî

Sêwas de camêrdêk seba ke cinîya ci ya verêne reyna ey de nêzewijîyaye keyeyê aye ra 4 tenî mirênayî.

Goreyê zanayîşanê ke ameyî girewtene Sêwas de camêrdêk seba ke cinîya ci ya verêne reyna ey de nêzewijîyaye bi çeke dadî, babî, bira û veyva aye mirênayî.

Cinîya ke keyeyê ci ame qirkerdene vat seba ke  a hetê merdeyê xo yê verênî ra ameyêne tehdîtkerdene qereqol de gerreyê ci kerd. Rixmo ke gerre ameyo kerdene tedbîrî nêameyî girewtene û 4 tenî hetê camêrdê hêrişkarî ra ameyî qetlkerdene.  Kiştoxo  ke dimayê qirkerdişî remayêne, dima ra birîndar ame tepiştene û sewqê nêweşxaneyî bi.