Cinîya kurde Jîna Emînî Tehran de hetê 'polîsanê exlaqî' yê Îranî ra seba ke gijikê ci asayêne amebî qetilkerdene. A roje ra nata cinîyê Rojhelatê Kurdîstanî û Îranî seba Jîna Emînî mîyanê çalakîyan de yê.

Seba ke paştî bêra dayene xoverdayîşê cinîyanê Rojhelat û Îranî cinîyanê Tirkîya de hesabê ''Stand With Women of Iran-Turkey' ra mesajî pare kerdî. Na çarçewe de xeylêk sînemageranê cinîyan ê Tirkîya zî vîdeo vila kerd û paştî daye xoverdayîşê cinîyan.

Fûsûne Demîrel, Nûre Surer, Tulîne Ozen, Burcu Bîrîcîk, Melîse Bîrkan, Ayça Damgaci, Cerene Moray, Damla Sonmez, Melîsa Sozen û Canane Erguder zî tede sînemageran bi tirkî, kurdkî farskî, erebkî, îngilîzkî, îtalyankî, almankî û spanyolkî mesajî vila kerdî.

Vîdeo de kaykerdoxe Gokşene Atşe gijikê xo qesna û dşma cinîyan nameyê Jîna vat. Vîdeo de sloganê 'Cinîye, Cuye, Azadîye' yo ke bîyo sembolê xoverdayîşê cinîyan, yeno berzkerdene.