Aysele Dogana ke sey endama  Grûba Haştîye ya 2. ya ke bi vengdayîşê Rayberê Şarê Kurdî Abdullah Ocalanî Ewropa ra ameye Tirkîya, Almanya de nêweşxeyo ke tede tedawî bîyêne de  şehîde bîye.

Aysele Dogan kam a?

Aysele Dogan 1953 de Dêrsim de ameye dinya û hema serranê xo yê ciwanîye ra seba ke nasnameyê kurdan bêro naskerdene dest pê falîyetanê rêxistinî kerd. Unîversîtaya Gazî ya Anqara de beşê Mamosteyîya Perwerdeyê Bedenî dî û dima ra mamosteyîya lîse kerd. Badê darbeya 1980yî xeylêk rey ameyî destbendkerdene û tepiştene û raştê îşkenceyî ameye. Bi serran nêvejîyayî mehkeme û bêpers bîlasebeb tepişte mende.

Pê mergî ameyî tehdîtkerdene

20ê teşrîna verên a 1991 de memleketê xo Dêrsimî ra sey namzeda wekîla xoserE tewrê vîjnayîşî bîye. Rixmo ke reyê tew zaf aye girewtî rîyê qanûnanê antîdemokratîkan ra reyê ci nêvînayîşî ra ameyî û nêşawîyaye parlamentoyo. Aysele Dogan rîyê falîyetanê Dêrsimî ra demê kilmî de bîye hedefê JÎTEMî. Tehtîdê mergî girewtî, coka vejîyayî teberê welatî. Almanya de tewrê têkoşînê azadîye yê kurdan bîye û xebatanê xo rê dewam kerd

Grûba Haştîye de cagirewt

1999î de bi vengdayîşê Rayberê Şarê Kurdî Abdullah Ocalanî sey endama  Grûba Haştîye ya 2. ameye Tirkîya û gama ke resaye Tirkîya pîya bi heme endamanê grûbe ameye tepiştene. Cezaya 10 serran dîyaye ci Zîndanê Elbîstanî yê Meletî de mend. 2009  de ameye veradayene û agêrayî welatê xo Dêrsimî.Wextêk semedê ronayîşê Grûba Haştîye ya 3. ya Ewropa gurîyaye.

Dêrsim de ca da xo û tewrê xebetan bîye

Dêrsim de ca da xo tîya mîyanê ronayoxanê Komeleya Akademîya Kultur û Bawerî yê Elewîyan ê Dêrsimî ca girewt. Çarçewa xebatanê komele de pawitişê ercan û xozaya Dêrsimî zaf xebatî kerdî. 2011 de binê nameyê operasyonê KCKyî ameye tepiştene. Komele zî çarçeweya cipersayîşê KCKyî de ameye qefilnayene. Bado ke serrêke zîndan de mende cezaya 18 serran dîyaye ci.

Tewrê rojeyê mergî bîye

Dogane tewrê rojeyê mergî yê 2012yî bîye ke hetê tepişteyanê PKK û PAJKî ra semedê wedartişê tecrîdê serê Rayberê Şarê Kurdî Abdullah Ocalanî ame kerdene. 2014 de dewaya ci xeripîyaye û newe ra ameye dîyene. Mehkemeya Berze vat heqê muhakemerdişê edîlî yê Dogane ameyo binpaykerdene. Seba ke nêweşîya ci ya kanserî girane bîye Dogane 2015 de ameye veradayene. Dogane reyna agêraye Dêrsimî û tîya pîya şarî tewrê xebatan bîye.