Dîktator Omer El Beşîro ke 1989î de bi darbeya leşkerî bî serkêşê dewlete heta serra 2019î Sûdan îdare kerd qanûnê ke vera merdimî û cinîyanê tetbîq kerdêne. Nê qanûnan ra yew zî “qanûnê sucanê bêexlaqan” bî.

Rijîyayîşê desthelatdarîya El Beşîrî ra dima hukmatê demkî dest bi wezîfeyî kerd. Hukmatê demkî beyan kerd ke qanûno ke seba cazakerdişê cinîyan bîyêne behane ame wedaritene. Xebera ajansê xebaran SÛNA de ame dîyarkerdene ke demê kombîyayîşê desteyê wezîran a awarte de bira wedaritişê qanûnê “exlaqî” ameyo wedaritene.  Labelê seba ke qanûn bi temamî bêro wedaritene ganî konseya îdareyê demkî na yewe qebul bikera.

Demê Omer El Beşîrî de no qanûn bi hawayêkê şîdetî ameyêne caardene û bi behaneyê “kincê nemunasîbî xoradayîşî” yan zî “alkol şimitişî” bi hezaran cinî bi rengêkê giranî amey cezakerdene. Qanûn seba polîsanê Sûdanî zî bîyêne behaneyê cezakerdene û îşkenceyê keyfî.Desthelatdarîya dîktator El Beşîrî 30 serran ra pey ameybî rijnayene.