Bajarê Uppsala yê Swêdî  de derheqê YPJ û Têgêrayîşê Cinîyan ê Kurdan de semînêrek ame viraştene. Cinîyan eleqedarîya girde ramote.

Partîya Însîyatîfê Femînîstî  Merkezê Cimatê Kurdan ê Demokratîkî yê Uppsala dawet kerd ke derheqê têgêrayîşê cinîyan ê Kurdan de qisey bikerê. Komel ra hîrê cinî yê ke berpirsîyarê karanê teberî yê tewrê kombîyayîşî bîyî û nizdê 50 endanmanê partîye rê derheqê tecrîdê serê Rayberê Şarê Kurdî Abdullah Ocalanî û serkewtişê grevê vêşanîye yê ke rayberîya Leyla Guvene de ameyî viraştene de qisey kerd.

Kombîyayîş de bale ame ante serê Şorişê Rojawanî û rolê xoverdayîşî cinîyan û derheqê dewa Jinwarî de zanayîş ame dayene. Reyna qama ke çeteyanê DAÎŞ’î hêrişê Şengalî kerd cinîyan ê YPJ’yî senî pîya bi hêzanê PKK û YPG’yî bi şerkerdişêkê qehremankîyî Êzidîyî xelisnayî qalê înan zî ame kerdene. Semînero ke cinîyan eleqedarîya girde ramojnaye ci bi slogana, ‘Cinî, cuye azadîye’ qedîya.