Şaristananê Stockholm, Orebro, Lînkopîng û Norkopîngî de roja dişemeyî cinîyî vejîyayî meydanan û şîdet şermezar kerd. Cinîyan venga hukmatî da ke şîdet asteng biko.

Paytext Stockholmî de derheqê şîdetê vera cinîyan de panel û konferansî ameyî serûberkerdene û nawnayîşê şermezarkerdişî zî ameyî kerdene. Nawnayîşan meydanê Hotergetî de rayberîya Înîsîyatîfê Femînîstan de dest pêkerd. Fotografê Sakîna Cansiz, Fîdane Dogan û Leyla Şaylemez zî tede zaf fotografê cinîyanê ke ameyî qetilkerdene meydan de ameyî daliqnayene û findî ameyî tavistene. Nameyê Meclîsê Cinîyan ê Amara û Yewîya Cinîyan ê Sara ser o Scapa Ericsonn qisey kerd û vat ke çimeyê şîdetê vera cinîyan sîstemo kapîtalîst û pedeşahîye yê.