Swîsre de cinîyê ke reya ewilêne semedê ‘heqanê seypêyan’ 14’ê Hezîran a 1991’î de grevo neteweyî viraşt, 28 serrî ra dima reyna kewenê grev. Xeylî partîyanê sîyasîyan û sazîyanê cimatê sivîlan eşkera paştî dane grevî.

Grevo ke bi mangano amadekarîya ci yena kerdene rojdemê welatî de yo. Cinîyan keye û kuçeyî bi renganê moran xemilnayî. Çarçeweya grevî de siba xeylî bajaran de cinîyî karî cavêrdene û vejîyenê meydanan. Rixmo ke Qanûnê Bingeyênî de seypêyîya cinî-camêrdî esta, cinîyan hema heqê xo yê bingeyên nêfînayî dest. Cîniyê ke bi camêrdan heman karî kenî goreyê camêrdan tay qezenc kenê û heme heqê înan ê esasî yenê binpaykerdene. Hetê bînî ra  şîdetê zereyê keyeyî hêrişê cinsî yê vera cinîyan  problemêko gird o. Goreyê doneyanê têgêrayîşanê cinîyan cinîyî hem keye de hem zî cayê karî de raştê hêrişî yenê. Grevo ke argumanê ci yo bingeyên bêedaletîya destmizê mabênê cinsan o do  bi slogana ’Cinî nê, sîstem û komelî bibedilnê’ heme nêheqîye vera cinîyan bêrê protestokerdene.