Têgêrayîşê Cinîyan ê Azadan (TJA) Semya Yuce (Serhildane) ya ke  21'ê Adare 1998 de Hepisxaneyê Çanakale de Newroze de bedenê xo da verê adirî û 17'ê Hezîrane 1998 de şehîd kewte, yad kerde.

TJA eşkerayîya xo de vat polîtîkayê dewleta Tirkî yê vera Kurdan ê înkar, îmha, bêwelatverdiş, bênasnamekerdişî tewr zêde cinîyan ser o tesîr kenê û ê yê ke vera nê polîtîkayan xo ver ro danê zî reyna Cinîyê Kurdan ê.  TJA vat, “Têkoşînê azadîye yê cinîyan ê Kurdan o ke bi hezaran şehîdî dayê û ruhêkê fedayî veto werte, ewro cografyaya Rojakewtena Mîyanêne de  serkêşîya xoverdayîşê vera hişmendîya bapîrî keno. Sema Yuce bi bedenê xo yo ke 8'ê Adare ra heta 21'ê Adare veşeno ra hem adirî ra pirdêk viraşt û hem zî yewîya mabênê 8'ê Adare ya ke rojbîyayîşê cinîyan o û Newroza ke rojbîyayîşî ya şarê Kurdan a, vete werte. Vera zext, îşkence, heqanê girewtişî ra meruz mendiş, vera polîtîkayanê kêmkerdişê cinîyan û teslîmgirewtişî Hepisxaneyê Çanakale cuya xo feda kerde û bi naye hem vera îktîdarê camêrdan ê Kurdî, hem vera polîtkayanê dewlete yê nîjadperest, zayendîperestî de metod û vinetişê felsefeya azadîya cinîyan ramote.”

TJA Sema Yuce û heme cinîyê ke têkoşînê azadîye de şehîd bîyî yad kerdî û vat, “Ma do seba azadîya cinîyan ê Kurdan û heme cinîyan ê Rojakewtena Mîyanêne heta peynîya têkoşîn bikerê.”